په صحیح مسلم کې له ابوهریره رضی الله عنه څخه روایت دی چې رسول الله صلی الله علیه وسلم وفرمایل: «أَيُّهَا النَّاسُ! إِنَّ اللهَ طَيِّبٌ لَا يَقْبَلُ إِلَّا طَيِّبًا، وَإِنَّ اللهَ أَمَرَ المُؤْمِنِينَ بِمَا أَمَرَ بِهِ المُرْسَلِينَ؛ فَقَالَ: «اې خلکو! الله تعالی پاک دی او له پاکۍ پرته بل څه نه قبلوي، او الله تعالی مومنانو ته د هغه څه امر کړی چې رسولانو ته یې امر کړی و؛ نو فرمایلي یې دي: (يَٰٓأَيُّهَا ٱلرُّسُلُ كُلُواْ مِنَ ٱلطَّيِّبَٰتِ وَٱعۡمَلُواْ صَٰلِحًاۖ إِنِّي بِمَا تَعۡمَلُونَ عَلِيمٞ) (اې رسولانو! تاسو له پاكیزه څیزونو ځنې خورئ او نېک عملونه كوئ، بېشكه زه په هغو كارونو چې تاسو يې كوئ، ښه عالم یم). [المؤمنون سورت:51 ایت] او فرمایي: (يَٰٓأَيُّهَا ٱلَّذِينَ ءَامَنُواْ كُلُواْ مِن طَيِّبَٰتِ مَا رَزَقۡنَٰكُمۡ وَٱشۡكُرُواْ لِلَّهِ إِن كُنتُمۡ إِيَّاهُ تَعۡبُدُونَ) (اې هغو كسانو چې ایمان يې راوړى دى! له هغو پاكو حلالو څیزونو څخه خورئ چې مونږ تاسو ته دركړي دي، او د الله شكر وباسئ، كه تاسو داسې یئ چې خاص د هغه عبادت كوئ). [البقرة سورت:172 ایت]».
بیا یې یادونه وکړه چې: «الرَّجُلَ يُطِيلُ السَّفَرَ، أَشْعَثَ أَغْبَرَ، يَمُدُّ يَدَيْهِ إِلَى السَّمَاءِ: يَا رَبِّ.. يَا رَبِّ! وَمَطْعَمُهُ حَرَامٌ، وَمَشْـرَبُهُ حَرَامٌ، وَمَلْبَسُهُ حَرَامٌ، وَغُذِيَ بِالحَرَامِ؛ فَأَنَّى يُسْتَجَابُ لِذَلِكَ؟! ». «یو سړی به اوږدې مودې لپاره سفر کوي، سر او ځان به یې ګډوډ او په دوړو وي، خپل لاسونه به اسمان ته پورته کوي: (وایي به) اې ربه، اې ربه! خو خوراک به یې حرام وي، او څښاک به یې حرام وي، او جامې به یې حرامې وي، او په حرامو به تغذیه (لوي) شوی وي؛ نو څنګه به د هغه غوښتنې قبولې شي؟! ».
غوره معناوې..
نو زموږ رب له ټولو عیبونو او نیمګړتیاو څخه پاک دی، له هر ډول آفت، شر او بدۍ څخه پاک دی؛ له ټولو اړخونو څخه د هغه د کمال او عظمت په خاطر.
او زموږ رب د هر هغه بیان څخه پاک دی چې له کمال څخه بې برخې وي یا د ښه تعریف او ستاینې څخه بې برخې وي؛ په هر حال او حالت کې.
او زموږ رب جل جلاله په خپل ذات کې پاک دی؛ او دا ترټولو کامل ذات دی، چې د لوړ او خورا بشپړ صفاتو څخه برخمن دی.
او د هغه سبحانه و تعالی په نومونو کې پاکي شتون لري، ځکه چې د ښه معنا، او د خورا غوره دلالاتو څرګندونه کوي.
او هغه جل جلاله په خپلو اعمالو کې پاک دی؛ ځکه چې هغه خورا حق او سم دی، او هغه یو کار نه ترسره کوي مګر دا چې خورا بشپړ، غوره، او پاک وي.
او هغه جل جلاله په خپلو خبرو کې پاک، په خبرونو کې ریښتینی، او په اوامرو او منع کولو کې عدل کوونکی دی.
او هغه جل جلاله په خپلو تقدیري احکامو کې پاک دی، ځکه چې هغه له شر څخه منزه دی؛ «وَالشَّرُّ لَيْسَ إِلَيْكَ» «او شر ستا لپاره ندی». [مسلم روایت کړی].
او هغه په خپل شرعي حکمونو کې پاک دی؛ ځکه چې په دې کې د بندګانو ګټې شاملې دي.
او هغه د جزا په احکامو کې پاک دی؛ ځکه چې هغه په دنیا او آخرت کې په خپل عدل، انصاف او فضل سره حکم کوي.
او الله جل جلاله جنت یې د مؤمنانو لپاره پاک ګرځولی؛ هغه یې په زړه پورې خوشبو ګرځولی، (وَيُدۡخِلُهُمُ ٱلۡجَنَّةَ عَرَّفَهَا لَهُمۡ) (او دوى به جنت ته داخل كړي چې هغه يې دوى ته ورښودلى دى) [محمد سورت:6 ایت].
نو که الله جل جلاله په مطلق ډول سره پاک وي؛ نو هغه هېڅ عملونه او خبرې نه قبلوي مګر هغه څه چې په پاکۍ باندې تعریف شوی وي؛ (إِلَيۡهِ يَصۡعَدُ ٱلۡكَلِمُ ٱلطَّيِّبُ وَٱلۡعَمَلُ ٱلصَّٰلِحُ يَرۡفَعُهُۥۚ) (همدغه (الله) ته پاكیزه خبرې پورته خېژي او نېک عمل دغه (كلمات) پورته كوي). [فاطر سورت: 10 ایت] (يَٰٓأَيُّهَا ٱلَّذِينَ ءَامَنُوٓاْ أَنفِقُواْ مِن طَيِّبَٰتِ مَا كَسَبۡتُمۡ) (اې هغو كسانو چې ایمان يې راوړى دى! له هغو پاكو (مالونو) نه انفاق كوئ چې تاسو ګټلي دي) [البقرة سورت: 267 ایت].
په بخاري کې راغلي چې: رسول الله صلی الله علیه وسلم وفرمایل: «مَنْ تَصَدَّقَ بِعَدْلِ تَمْـرَةٍ مِنْ كَسْبٍ طَيِّبٍ؛ وَلَا يَقْبَلُ اللهُ إِلا الطَّيِّبَ، وَإِنَّ اللهَ يَتَقَبَّلُهَا بِيَمِينِهِ، ثُمَّ يُرَبِّيهَا لِصَاحِبِهِا كَمَا يُرَبِّي أَحَدُكُمْ فَلُوَّهُ؛ حَتَّى تكُوْنَ مِثْلَ الجَبَلِ». «څوک چې د یوې کجورې (خرما) په اندازه له پاک مال څخه صدقه ورکړي؛ او الله تعالی هېڅ شی نه قبلوي مګر پاک شي، او الله تعالی هغه په خپل ښي لاس قبلوي، بيا يې د خپل صاحب لپاره پالي لکه څرنګه چې له ستاسو څخه يو څوک د خپل اس د بچي پالنه کوي؛ آن تر دې چې د غره په څېر لوی شي».
مومن په مکمل ډول پاک دی: د هغه زړه، ژبه او بدن؛ دا ځکه چې د هغه په زړه کې ایمان ځای لري، او د هغه په ژبه کې د ذکر په واسطه ښکاري، او نیک عملونه د هغه په غړو (اندامونو) کې څرګندیږي؛ کوم چې د ایمان میوه ده، ځکه نو؛ الله تعالی د نیکو خلکو لپاره د خپلو غوره نومونو څخه یو نوم اخیستی او د خپلو ځانکړتیاوو څخه یې یو صفت را اخېستی، نو الله تعالی فرمايي: (وَٱلطَّيِّبَٰتُ لِلطَّيِّبِينَ وَٱلطَّيِّبُونَ لِلطَّيِّبَٰتِۚ) (او پاكې ښځې د پاكو سړیو لپاره دي او پاک سړي د پاكو ښځو لپاره دي). [النور سورت:26 ایت].
او خپلو پاکو اولیاوو ته یې هدایت وکړ: (وَهُدُوٓاْ إِلَى ٱلطَّيِّبِ مِنَ ٱلۡقَوۡلِ وَهُدُوٓاْ إِلَىٰ صِرَٰطِ ٱلۡحَمِيدِ) (او هغوى ته د سپېڅلې خبرې لارښوونه شوې وه او د ستايل شوي (الله) لارې ته ور سم كړى شوي وو).
[الحج سورت:24 ایت].
نو مؤمن پاک وي، د ښو اخلاقو خاوند وي، د احمقانو له حماقت څخه نه متاثره کیږي، خپل سخاوت د بخیلو د بخل لپاره نه پرېږدي، د خپلو ملګرو خیانت په وفادارۍ سره ځوابوي، که بد کارۍ سره مخامخ شي نو حیا غوره کوي، کله چې خلک له ورکړې څخه لاسونه واخلي هغه خپل لاس خلکو ته اوږدوي، مهربان او صبر کوونکی وي او د جاهلانو بې غورۍ ته توجه نکوي، امانتدار وي کله چې خیانت کوونکي ډېر شي، او کله چې خیرخواهان لږ وي، هغه خیر خواه وي، او کله چې درواغجن ډېر شي، هغه یو له رښتینو کسانو څخه وي، په هغه کې اصل: ښه اخلاق، او پاک حالت وي؛ لکه د کجورې ونې په څېر.
له حقد څخه د کجورې ونې په شان لوړ اوسه چې ډبرې باندې ویشتل کیږي خو هغه غوره میوه ورته غورځوي
نو ځکه کله چې مؤمن په دې دنیا کې پاک وي؛ الله تعالی به هغه ته د پاکانو کور ته په داخلولو سره عزت ورکړي: (سَلَٰمٌ عَلَيۡكُمُ ٱدۡخُلُواْ ٱلۡجَنَّةَ بِمَا كُنتُمۡ تَعۡمَلُونَ ) (پر تاسو دې سلام وي، تاسو جنت ته داخل شئ، په سبب د هغو (نېكو) عملونو چې تاسو به كول). [النحل سورت:32 ایت]
(وَعَدَ ٱللَّهُ ٱلۡمُؤۡمِنِينَ وَٱلۡمُؤۡمِنَٰتِ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَا وَمَسَٰكِنَ طَيِّبَةٗ فِي جَنَّٰتِ عَدۡنٖۚ وَرِضۡوَٰن مِّنَ ٱللَّهِ أَكۡبَرُۚ ذَٰلِكَ هُوَ ٱلۡفَوۡزُ ٱلۡعَظِيمُ) (الله د مومنو سړیو او مومنو ښځو سره د داسې جنتونو وعده كړې ده چې د هغو له لاندې ویالې بهېږي، چې دوی به په هغو كې همېشه وي او د داسې پاكیزه اوسېدو ځایونو چې د عدن (تل اوسېدنې) په جنتونو كې به وي او د الله له جانبه رضامندي تر ټولو لویه ده، همدغه ډېره لویه كامیابي ده). [التوبة سورت:72 ایت].
اې الله! موږ د خپلو پاکو بندګانو په ډله کې وشمېره، هغه کسان چې ورته ویل کیږي به: (ٱدۡخُلُواْ ٱلۡجَنَّةَ لَا خَوۡفٌ عَلَيۡكُمۡ وَلَآ أَنتُمۡ تَحۡزَنُونَ) ( تاسو جنت ته داخل شئ، پر تاسو باندې هېڅ وېره نشته او نه به تاسو غمجن كېږئ). [الأعراف سورت:49 ایت]، او موږ له تا څخه د ګټور علم، پاکې روزئ، او د نېکو اعمالو غوښتنه کوو.