97
"زه په قران کریم کې د حقیقت په موندلو کې ډیر متاثر او حیران یم!
دغه سپېڅلی قرآن کائنات د وجود له لوړ ځای څخه بیانوي.
لکه څنګه چې مونږ ولیدل؛ دا د انساني سرچینې څخه ترلاسه کیدی نشي، -وروسته لدې چې ما قرآن کریم ولوست- زه خپل راتلونکي باندې پوه شوم، زه به د دې جامع نظر په رڼا کې خپلې څیړنې پلان کړم". [پروفیسر: یوشیدي کوزان].
دا طبیعت ده لږ تم شه اې د شپې تلونکیه ... ترڅو تاته د نوښتګر د ښکلی مهارت نمونې وښیم ... کومه ځمکه او اسمانونه چې ستا شاوخوا ولړزیدلې ... د زیاتو ښکلو نښو او معجزو په شتون سره
دا ټول د پاچاهانو پاچاه باندې دلالت کوي چې ... د فقهاوو او علماوو لپاره یې دلیل پرینښود ... ترڅو هغه باندې شک وکړي. او د هغه چا لپاره چې شک پکې کوي ... نو دغه نښې او معجزې هغه ګناه لروونکی شک او انکار له منځه وړي
او كه یو انسان د اسمانونو او ځمكې په پيدايښت كې فكر وكړي، نو نوښتګر الله لپاره به داسې دلیل راوړي، څرنګه چې هغه –سبحانه و تعالی- د خپل ځان په اړه فرمایي: (بَدِيعُ السَّمَاوَاتِ وَالْأَرْضِ ۖ وَإِذَا قَضَىٰ أَمْرًا فَإِنَّمَا يَقُولُ لَهُ كُن فَيَكُونُ) (بې له نمونې پيدا كوونكى د اسمانونو او ځمكې دى، او كله چې د كوم كار فيصله وكړي، نو همدا خبره ده چې هغه ته ووايي: ’’وشه‘‘ نو هغه وشي). [البقرة سورت: ایت 117].
ابن کثیر -رحمه الله- فرمایلي دي: د اسمانونو او ځمکې نوښتګر، د هغو خالق، د هغو جوړوونکی او د هغو پیدا کوونکی، پرته له کوم مخکینۍ نمونې څخه.
شیخ السعدي -رحمه الله- فرمایي: «(بَدِيعُ السَّمَاوَاتِ وَالْأَرْضِ) پدې معنا چې: د هغو خالق او نوښتګر په خورا ښه پیدایښت، نوښت او ځواکمن نظم سره پیدا کړي دي».
او که داسې وي؛ دا څنګه امکان لري چې هغه لره د هغو څخه څه شی منسوب شي ګویا چې هغه لپاره اولاد دی -اوچت دی الله تعالی د دې نه ډیر اوچت!- بلکې هغه څه چې په دې ځمکه کې دي د الله تعالی پیداېښت او نوښت دی، او دا ټول الله تعالی ته غاړه کېښودونکي او بندګي کوونکي دي، نو الله تعالی فرمايلي: (وَقَالُوا اتَّخَذَ اللَّهُ وَلَدًا ۗ سُبْحَانَهُ ۖ بَل لَّهُ مَا فِي السَّمَاوَاتِ وَالْأَرْضِ ۖ كُلٌّ لَّهُ قَانِتُونَ (116) (او هغوى وويل: الله (د ځان لپاره) اولاد نيولى دى، (داسې نه ده) هغه (له دې خبرو نه) پاك دى، بلكې څه چې په اسمانونو او ځمكه كې دي، هغه (ټول) خاص د هغه لپاره دي، ټول د هغه حكم منونكي دي. بَدِيعُ السَّمَاوَاتِ وَالْأَرْضِ ۖ وَإِذَا قَضَىٰ أَمْرًا فَإِنَّمَا يَقُولُ لَهُ كُن فَيَكُونُ (117)) (بې له نمونې پيدا كوونكى د اسمانونو او ځمكې دى، او كله چې د كوم كار فيصله وكړي، نو همدا خبره ده چې هغه ته ووايي: ’’وشه‘‘ نو هغه وشي). [البقرة سورت: ایتونه 116-117].
او که دا ثابته شي چې: ټول هغه څه چې په اسمانونو او ځمکه کې دي د هغه پیدا کولو او نوښت څخه دي؛ دا ثابته شوه چې: دا ټول د هغه په بندګانو او ملکونو کې شامل دي، نو د هغه لپاره دا ناشونې ده چې هغه زوی ولري.
او که داسې وي؛ دا د انسانانو لپاره لازمه ده چې: د هغه امر ومني او له هغه څه چې هغه منع کړي مخ وګرځوي؛ او دا خو لرې خبره ده چې هغه لره زوی او میرمن منسوب کړي!
بیا الله – سبحانه و تعالی- مونږ ته امر وکړ: چې په کايناتو او د هغه په ښایسته مخلوق کې فکر وکړو، الله – جل وعلا- وفرمایل: (إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ لَآيَاتٍ لِّأُولِي الْأَلْبَابِ) (بېشكه د اسمانونو او ځمكې په پیدا كولو كې او د شپې او ورځې په تلو راتلو كې خامخا د خالص عقل خاوندانو لپاره ډېرې نښې دي). [آل عمران سورت: ایت 190]، په ټولو کایناتو کې د ایمان لپاره دلایل شته، چې د هغه اوریدونکي او لیدونکي پیدا کوونکي ذات ته اشاره کوي.
د کایناتو کرښو ته پام وکړه چې په هغې کې ... د لوړ مقام لرونکو ملایکو لخوا تا ته پیغامونه دي ... او ستا لپاره هغې کې لیکل شوي دي که چیرته ته د هغې لیکلو ته پام وکړې ... حقیقت دا دی چې پرته له الله څخه نور ټول شیان باطل دي
هغوی د الله په فضل او احسان باندې ګواهان دي ... فصیحه او خاموشه ژبه ده څرنګه چی هغه ویلي دي
بلال -رضی الله عنه - رسول الله -صلی الله علیه وسلم- ته داخل شو – ترڅو د سهار لمانځه لپاره ورباندې غږ وکړي- ګوري چې رسول الله -صلی الله علیه وسلم- پروت و او ژړل یې؛ ويې ويل: يا رسول الله! څه شی تاسو ژړوي په داسې حال کې چې الله ستاسو مخکیني او راتلونکي ګناهونه معاف کړي؟
هغه ورته وفرمایل: «وَيْحَكَ يَا بِلَالُ! وَمَا يَمْنَعُنِي أَنْ أَبْكِي وَقَدْ أَنْزَلَ اللهُ عَلَيَّ فِي هَذِهِ اللَّيْلَةِ: «افسوس پر تا اې بلاله! او څه شی ما له ژړا نه منع کوي د هغه شي په اړه چې نن شپه الله پر ما باندې نازل کړی دی: (إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ لَآيَاتٍ لِّأُولِي الْأَلْبَابِ) (بېشكه د اسمانونو او ځمكې په پیدا كولو كې او د شپې او ورځې په تلو راتلو كې خامخا د خالص عقل خاوندانو لپاره ډېرې نښې دي). [آل عمران سورت: ایت 190]»؛ او د سورت تر پایه یې تلاوت کړ.
بیا یې وفرمایل: «وَيْلٌ لِمَنْ قَرَأَهَا وَلَمْ يَتَفَكَّرْ فِيهَا!» افسوس د هغه چا لپاره چې دا ولولي او فکر پرې و نکړي! [صحیح حدیث دی. ابن حبان روایت کړی].
اسمانونه او هر هغه څه چې هغې کې دي، ستوري او سیارې، لمر او د سپوږمۍ تماشا کول، او د ځمکې تماشا کول او هغه څه چې په دې کې دي، غرونه، نهرونه، سیندونه، حیوانات، نباتات، بې جانه شیان، ژوندي او مړه شیان ... د آسمانونو او ځمکې د ښکلا او نوښت څرګندونه کوي، (تَبَارَكَ الَّذِي جَعَلَ فِي السَّمَاءِ بُرُوجًا وَجَعَلَ فِيهَا سِرَاجًا وَقَمَرًا مُّنِيرًا (61) (ډېر بركتناك دى هغه ذات چې په اسمان كې يې برجونه پیدا كړي دي او په ده كې يې چراغ (لمر) او رڼا كوونكې سپوږمۍ پیدا كړې ده. وَهُوَ الَّذِي جَعَلَ اللَّيْلَ وَالنَّهَارَ خِلْفَةً لِّمَنْ أَرَادَ أَن يَذَّكَّرَ أَوْ أَرَادَ شُكُورًا (62)) او دى هماغه ذات دى چې شپه او ورځ يې یو له بل پسې راتلونكې پیدا كړي دي، د هغه چا لپاره چې اراده لري چې نصیحت واخلي یا غواړي چې شكر وباسي). [الفرقان سورت: ایتونه 61-62].
د اسلامي ځوانانو په کنفرانس کې؛ چې په (1979) ميلادي كال كې په رياض كې ترسره شو، كله چې امريكايي پروفيسور (پالمر) د الله - سبحانه و تعالی- دغه كلام واوريده، نو پاڅېده: (أَوَلَمْ يَرَ الَّذِينَ كَفَرُوا أَنَّ السَّمَاوَاتِ وَالْأَرْضَ كَانَتَا رَتْقًا فَفَتَقْنَاهُمَا) (ایا هغه كسان چې كافران شوي دي په دې نه دي خبر شوي چې یقینًا یقینًا اسمانونه او ځمكه دواړه سره نښتي وو، بیا مونږ دواړه بېل كړل). [الأنبياء سورت: ایت 30]، او ویې ویل: په حقیقت کې کاينات په پیل کې د لوګي، گازي، او نښلول شوي لویې ورېځې څخه جوړ و، بیا په تدریج سره په ملیونونو ملیونونو ستورو باندې بدل شو چې اسمان یې ډک کړ، او دا په هیڅ ډول ممکنه نه ده چې دغه خبره داسې کس ته منسوب شي چی (۱۴۰۰ کاله) پخوا مړ شوی وي، په داسې حال کې چې هغه سره تلسکوپونه او فضایي بېړۍ شتون نه درلود چې د دې حقایقو په موندلو کې ورسره مرسته کړي وي، نو هغه څوک چې محمد ته یې خبر ورکړی دی هغه: الله دی، او پروفیسور (پالمر) د کنفرانس په پای کې خپل اسلام اعلان کړ.
په (۱۴۰۴ هـ ق) کال په ریاض کې د سعودي په اتم طبي کانفرانس کې د تایلنډ د مای پوهنتون د اناتومي او جنین د څانګې مشر پروفیسور ټاګت تاجسون وویل: «او لکه څرنګه چې پیغمبر – صلی الله علیه وسلم - لوستل او لیکل یې نشو کولی؛ نو دا باید محمد - صلی الله علیه وسلم – هغه پیغمبر وي چې دغه حقیقت یې راوړی وي، دا هغه ته د خالق له خوا د وحي په واسطه لیږل شوی و چې په هر څه پوه دی؛ او دا خالق باید الله وي.
له همدې امله؛ زه فکر کوم چې د هغه څه وخت را رسیدلی چې باید ووایم (أشهد أن لا إله إلا الله، وأن محمدًا رسول الله)، زه شاهدي ورکوم چې د الله پرته بل معبود نشته او دا چې محمد د الله رسول دی».
او د الله – سبحانه و تعالی- د البدیع نوم مقام ډیر لوی دی! که هر چا په دې نوم سره دعا وکړه الله به یې قبوله کړي.
ترمذي له انس -رضی الله عنه- څخه روایت کړی چې رسول الله -صلی الله علیه وسلم- مسجد ته ننوت چې ګوري یو سړي لمونځ ادا کړ او دعا کوي او په دعا کې یې ویل: اللهم! لا إله إلا أنت، المنان، بديع السماوات والأرض، يا ذا الجلال والإكرام! اې الله! له تا پرته بل معبود نشته، منت کوونکی، د اسمانونو او ځمکې پیدا کوونکی، اې د عظمت او عزت خاونده!
فقال النبي -صلى الله عليه وسلم- : نو رسول الله -صلی الله علیه وسلم- وفرمایل: «أَتَدْرُونَ بِمَ دَعَا اللهَ؟ دَعَا اللهَ بِاسْمِهِ الأَعْظَمِ، الَّذِي إِذَا دُعِيَ بِهِ أَجَابَ، وَإِذَا سُئِلَ بِهِ أَعْطَى» "ایا تاسو پوهیږئ چې الله ته یې په څه باندې بلنه ورکړه؟ هغه الله ته د هغه په لوی نوم سره بلنه ورکړه، که په هغه نوم دعا وکړای شي، هغه یې قبلوي، او که په هغه سره ترې څه وغوښتل شي، هغه څیز ورکوي». [صحیح حدیث دی].
اې الله! موږ ته بخښنه وکړه او پر موږ رحم وکړه؛ اې له ټولو رحم کوونکیه!
اې د اسمانونو او ځمکې پیدا کوونکیه! موږ ته بخښنه وکړه، پر موږ رحم وکړه، او زموږ خطاګانې معاف کړه؛ بیشکه چې ته په هر څه توان لري.